Espíritu Estudante Oan Timor Nian [e.p 254]

(i)

Rekadu ha'u-nian loron rua liubá

Hato'o lerek hodi hatene hela de'it

Hasa'e lerek hodi estuda to'ok ba

La konsege estuda, tan tempu apertadu

La konsege estuda, tan biban laek ona.

(ii)

Loron tolu laran 

estudantes tun estrada

Barullu! entusiazmu hasa'e ezijénsia 

Polísia tahan netik ho gas matanbeen 

Nu'udar manifestante sira la ta'uk!

La ta'uk la hakiduk bá oin nafatin.

(iii)

Loron datoluk manifestante konsege

Konsege hakat tama ba Uma Fukun

Tur hamutuk hola-lia ho Liana'in sira

Hakarak ka lae tenke akontese

Akontese tuir ezijénsia sira-nian

Akontese tuir aspirasaun povu nian.

(iv)

Nu'udar Maromak oan ha'u hakfodak

Nu'udar maun-alin ha'u arrepende

Hakfodak! 

Tan estudante sira mós bele

Arrepende...

tan aifunan buras teki-tekir namlaik.

(v)

Agradese ba estudantes nia esforsu

Hahii estudantes nia aten brani

Esforsa hato'o aspirasaun povu nian

Aten brani la hakiduk to'o pasu finál.

(vi)

Viva EUTL!

Viva manifestante doben 

futuru Lafaek nian!

Viva povu terus-na'in!

Hakribi esplorasaun!

Hakribi manipulador!

Nu'udar poeta ha'u ♡ imi!

--- o0o ---

Pensaun Vitalísia Bele Mantein [e.p 253]

(i)

Koko took karreta deputadu 

lalika luxu/ lalika karu

Baratu netik baibain ba, bele luxu maibé baratu netik

Bele toyota maibé la'ós prado

Avansa to'ok ho "toyota avanza" 

bele ka lae?.

(ii)

Toyota Avanza bele troka dala-ida 

kada tinan lima

Toyota Prado bele troka dala-ida 

kada tinan sanulu

Poupa netik, salva netik 

osan povu nian

Osan povu nian hodi tane ita rain.

(iii)

Liana'in tenke simples hanesan povu

La foti an as-liu ba povu ki'ik

Liana'in tenke mamar hamutuk 

ho povu

La lori povu ida haliu povu seluk.

(iv)

Koko to'ok hamenus saláriu, 

mantein PV

Koko mós halakon subsídiu, 

mantein PV

Hanoin hikas to'ok imi-nia liafuan 

Liafuan murak be fakar iha kampaña

Halo povu tau fiar tau let neon

Dada povu tau domin hili let imi.

(v)

Tatoli oan ne'e hasetan de'it ba

Rekadu oan ne'e kasu lerek ba

Kasu lerek ba, Liana'in tetu rasik

Tetu rasik hanoin koko to'ok ba.

--- o0o ---

Kartaun Kinur

Kartaun Kinur ba Sertifikadu COVID

-

Kritériu atu apply vaga trabalho via SEFOPE mak: Sertidaun RDTL, B.I, Pasaporte, Bom Comportamento, no Sertifikadu COVID.

Atu hetan Sertifikadu Covid ita presiza  ministériu saúde hodi hatudu kartaun kinur, no tenke iha númeru PIN hanesan ha'u-nian 6889 iha leten. 

Karik alin sira seidauk iha PIN, tenke lori ba prenxe iha fatin 2 de'it mak Liquiça ho Baucau.

Alin sira, de faktu governu dalabarak hasusar povu ki'ik, mas pasiénsia tanba atu hetan dalan tenke sakrifika.

Edukasaun Eleitoral iha Ámbitu Konsulta Popular 30 de agosto 99

Edukasaun ba Votante ka 

Voter Education 

Iha liafuan 2 mak hodi hanorin votante sira molok tama votasaun 30 agosto 99. Liafuan 2 ne'e mak: 1.Simu no 2. La simu (aceita no rejeita) hodi hatudu ba ezemplu kartaun de votu ne'e.

Ha'u nu'udar durubasa la'o ho staff internasional sira bá fó esplikasaun ba votante sira, staff internasional koalia: esplika ba sira katak, Aseita Otonomi tu iha leten/ Rejeita Otonomi tu iha kraik. Ha'u esplika ba votante sira: ita aseita Otonomi tu iha leten, maibé hakarak Independénsia tu iha kraik. 

Staff Internasional ne'e rona ha'u temi liafuan Independénsia, nia hirus kedas ha'u hodi dehan: favór ida, ha'u la temi Independénsia maibé ha'u só temi "accept and reject= aceita no rejeita", nune'e, ha'u repete fali ho liafuan seluk, señor dehan: Aseita Otonomi tu iha leten/ hakarak Ukun-an tu iha kraik, hau bobar tiha liafuan "Independénsia ho Ukun-an" ne'e sorte malae la kompriende tetun, deskulpa ba maluk Oto sira, ha'u lohi liu ona, tinan-26 tiha mak ha'u foin konfesa.

Bainhira hanoin hikas 30 de agosto 99, iha komik no triste. 

KOMIK tanba ami vota hotu tiha maluk balun hahú hikar kalsa ain halai  sa'e foho/ailaran tanba ta'uk milísia Otonomista sira, ami balun foin halai depoizde rona rezultadu iha 4 de setembro.

TRISTE tanba ita manán tiha ona maibé ita sei halai nafatin, no tanba sira sunu hotu ita-nia uma. No bainhira ami halai mós dezorden tebe-tebes, di'ak ona bainhira la'en-fen-oan halai hamutuk bá fatin ida, piór liu fali mak la'en balun halai ketak, fen-oan halai ketak, triste ne'e iha-ne'e!

Kumprimentus hela ba maun Oto sira*

Railakan Fera Fahe Airín Tuan [e.p 252]

Novidade foun ne'e virál duni 

Foin mosu foin sai virál duni

Katuas sira hamutuk tur biti boot

Hamutuk lia ida desizaun foun.

Atu mutin e metan tenke nune'e

Atu midar e moruk tenke nune'e

Nune'e hakotu kontratu tuan

Kontratu knaar nian iha lidun balu.

-- o0o --

Koitadu Ita Lahatene [e.p 251]

Atan ami husu aselera ho lais

Dezenvolvimentu rai ne'e lentu liu ona

Ukun-na'in hada tan kontratadu foun

Ulun Boot Uma Fukun hakarak sosa seluk karreta foun

Viajen tasi balu semo nabanaban 

Rezultadu funan laek, semo saugati.

Boot sira hakarak han di'ak de'it

Han hemu di'ak loos, osan povu nian

Minarai marandekor, hela tahuteen

Kedok tun kedok seluk, sukit rai maran

Rai maran la hamosu benefísiu foun

Nasaun sei kasian, 

atan ita sei padese

 kiak rabat rai.

-- o0o --

Kematian Presiden Nicolau Lobato 31 Desember 78

Dua lembar foto mengenai kematian Presiden Nicolau Lobato di bawah ini telah diposting berulang kali oleh pihak TNI di media sosial yang sebenarnya bila ditinjau lebih mendalam ada unsur positif dan negatifnya. Dari segi positifnya memiliki nilai sejarah bagi perjuangan bangsa Indonesia khususnya tugas dan kekuatan TNI dalam Operasi Seroja Tim Tim, sementara dari segi negatifnya ada nuansa "penghinaan" dimana seorang Presiden tertembak mati, lantas mayatnya dijadikan objek buat selfi ramai ramai oleh beberapa petinggi TNI yang hadir, lebih jeleknya lagi jasadnya Presiden Lobato disembunyikan dan hingga kini pusara-nya masih dirahasiakan. 

Di balik "penghinaan ada kebanggaan" dimana Presiden Nicolau Lobato tertembak mati pada 31-12-1978 akhirnya menjadi Pahlawan Kemerdekaan bagi negaranya, sementara Indonesia harus "menarik kembali pasukan dan kekuasaannya" dari bumi Loro Sae pada 5 September 1999 setelah pengumuman hasil jajak pendapat oleh PBB pada 4 September 99, dan itu merupakan "kekalahan" bagi Indonesia, serta "kemenangan, dan kebanggaan" bagi Timor-Leste dalam membuka lembaran baru. 

Disini terjawab sudah motto Presiden Lobato "a última bala é a minha vitória" (bidikan) "peluru terakhir adalah kemenanganku".

Hidup Timor-Leste! 

Sekali merdeka tetap merdeka!

Bodas de Ouro dia das FALINTIL 1975-2025

-

FALINTIL Liman Kro'at Povu Nian 

[e.p 146] Repete 

---

La‘ós lia anin, la’ós manu lian

Istória hakerek, kilat musan tarutu funu nakfera!

Loron Onze de Agostu, 

hitunulu resin-lima

Hahú nakfera hosi UDT, 

tarutu nakfera abut UDT.

Loron 9 nia laran hahú responde

Maun- alin/ alin-maun ran nakfakar!

Fatin Dadur Palapasu 

testemuña ba istória.

Loron Vinte de Agostu loron reasaun

FRETILIN hamriik harii FALINTIL!

FALINTIL nu'udar 

liman kro’at povu nian

Hamriik alerta fó resposta

Kumu liman hakilar "A Luta Kontinua"!

Loron ida ohin,

wain ida ohin

Ha’u katak ba ó,

kasu tutan ba sira jerasaun foun

Loron ida ohin, loron FALINTIL

Wain ida ohin,

loron istórika.

-

Viva tinan-50 loron Falintil!

Vitória é Certa!

A Luta Continua!

Unidos Venceremos!

-
hakerek iha 20-08-2018
-
foto kortezía ha'u foti sein lisensa

Foin Hetan Malu [e.p 250]

Habelun malu kleur ona liuhosi efbí

Foin hetan malu iha biban kmanek ida

Dadalia uitoan sente kai kmaan

Atu furak liután selfi tedeit.

Beibeik Mós Ladún Di'ak [e.p 249]

Lalika buka tempu halo jeitu foun

Iha knaar barak mak sei sabraut

Natoon karik ona, rohan ba ne'e 

Demais mós ema la gava

Beibeik mós ema baruk ona 

Baibain de'it di'ak liután 

Parese dalan foun hodi hada

tan aikesak.

Mundu ohin loron kala bulak ona

Ema kiak hatudu an tebes 

nu'udar ema kiak

Ema riku mós finje halo-an 

hanesan ema kiak

Demais mós ema la gava

Beibeik mós ema baruk ona

Mundu ohin loron kala bulak 

duni ona.

--o0o--

Tempu Has Funan [e.p 248]

Fulan jullu nia rohan malirin 

kahur manas

Besik tama agostu temperatura sa'e tan

Udan tau nafatin

Has funan mak lori todan.

-

Tama faze has okir

Sei furak liután iha loromanas

Tur iha uma oin, tetak has okir 

hodi kahur ho masin

Provoka sira balun kabeen suli let.

--o0o--

Hadi'a Uma Lisan [e.p 247]

Ha'u dehan ba ó

katak bodik ba nia 

kasu tutan ba sira.

Atu hadi'a uma lisan

presiza airiin mean.

Haree ta duni ai-ná mean Lalika ta natoon 

ai-ná mutin.

Ai-ná mean tane metin uma lisan

Ai-ná mean hodi ke'e sai  

bee lihun merak.

Bee lihun merak 

nokonu ho lafaek.

Lafaek makerek butuk tan malu

Lafaek kanteen hafo'er 

uma lisan.

--o0o--

FILA MAI Ó-NIA RAIN [knananuk antigu]

Mai mai mai ó-nia rain

Sé sé sé duni ó

Mai mai mai ó-nia rain

Sé sé sé duni ó

- 

Halai halai keta halai

Rai Timor ó-nian

Rai Timor ha’u-nian

Rai Timor ita-nian

Timoroan ninian

 -

O sé...ha’u sé sira sé

Ita mesak rai Timor nia oan

O sé...ha’u sé sira sé

Ita mesak rai Timor nia oan

-

Hanoin hanoin didi’ak ba

Ó filafali mai

Mai rai Timor Leste

Mesak ita-nia rain

Timoroan ninian

~::~

Kompozitór ba knananuk ne'e ita lahatene naran (NN), knananuk ne'e kria iha ailaran entre tinan 1976-78 hosi Fununa'in FALINTIL balun, no ikus mai kantór Tony Pereira mak populariza fali iha meadu 1980.  

Fasilidade Estadu [e.p 246]

(i)

Kareta Estadu, fasilidade ba serbisu 

Fasilita funsionáriu hodi servii estadu

Osan estadu ne'e osan povu nian

Osan povu nian hodi had’a rai ne’e.

(ii)

Kareta Estadu serbisu tuir loron

Segunda to'o sexta haknaar ba Estadu

Sábadu ho domingo haknaar ba família

Servii ba Estadu servii mós família. 

(iii)

Osan povu nian maihosi minarai

Mina matan maran ona, filafali ba rai

Maihosi natureza fila-hikas natureza

Natureza sei fasilita hodi ke’e posu foun. 

(iv)

Osan Estadu, osan povu nian

Tulun povu liuhosi atividade

Habiit povu liuhosi programa

Atividade sei implementa bazeia ba programa.

(v)

Dolar atus-rua fahe netik dala-rua iha oitavu governu

Programa Sexta Bázika fahe mós dala-rua iha oitavu governu

Bainhira loos mak bele suli beibeik

Bainhira loos mak halerik sai hamnasa

Osan povu nian atu tulun duni povu

La’ós brinkus, hodi hafutar povu nia tilun.

~::~

Aihún Rekordasaun [e.p 245]

(i)

Isin tarak tahan tebar,

kala-kalan dada niki timis 

funan midar.

Tama oras bailoro, 

fuan maran nakfera

Namlele nakfilak 

kabasrahun mutin.

(ii)

Anin hu loro leten nu'u kabasrahun.

Sei halibur nia rahun 

halo xumasu.

Latan ulun ba leten 

sente kman loos.

Matan dukur mehi furak to'o rai naroman.

(iii)

Aihún rekordasaun, 

Ailele nia kmo'ok hela de'it foto.

Hela de'it foto 

hodi temi netik naran.

Molok tama esponza koko uluk ailele

Latan ulun xumasu 

rona knanuk halerik fuan namlele.

~::~

Matan Moris Ba Funu Foun (e.p 244)

(i)

Naha todan nakonu iha rai laran

Povu ki'ik hakmatek ho nia knaar

Ata oan la rona notísia foun 

Rai boot balu, problema foun mosu

Jigante boot rua hahú bomba malu.

(ii)

Bomba loron bomba kalan

Tarutu nakdoko rai seluk pániku

Manu besi semo as, muta sai 

klak mean

Tarutu nadodon tama rai rua

Nakfakar naksulin sobu ema uman.

(iii)

Povu ki'ik halai haksumik'an

Hakilar halai ho matabeen

Uma rahun hotu ona, ses dalan seluk

Sasán motuk hotu ona, ses buka moris

Koitadu, ema ki'ik sempre sai vítima

Koitadu, povu oan mate saugati.

(iv)

Nu'udar alarma mai ita nobun

Rai doben oan ne'e bele sai vítima

Ahi funan mean, bele semo mai

Bala musan semo sala, bele hedi ita

Tan de'it funu boot be foin mosu

Israel ho Iraun la rende malu

La rende malu hodi hatudu forsa

Oras-ne'e virál iha era foun.

~::~

Dezastre Bele Oho Ema (e.p 243)

(i)

La'o karik iha dalan, tama ho kuidadu

Halai lurón leten, koko ho sentidu

Dezastre mosu mai, ita la espera

Tan de'it dezastre ema lakon vida.

(ii)

Ohin loron, movimentu liu tiha uluk

Roda rua roda haat, zigzag bamai

La'o ho ain rua, hateke karuk loos

Hateke mós oin kotuk, ses ba dezastre

Tan de'it dezastre ema lakon vida.

~::~

Mangame Latuir Dalan (e.p 242)

(i)

Liana'in koalia  la tuir dalan

Ke'e hikas lia uluk hanesan labarik

Haksesuk malu nu'u ema beikteen

La hatudu an nu'u ema edukadu.

(ii)

Iha kraik povu ki'ik halerik hela

Iha leten liana'in sukit malu lanahas

Ne'e ha'e ibun-na'in rai ne'e nian

Ibun-na'in liana'in tur uma fukun.

Abrigu ba Maksalak (e.p 241)

(i)

Ha'u rain doben, 

nu'udar abrigu ba maksalak

Halo krime mota sorin, hakur Mota-Ain 

Kadiuk lamas buat-rahun, dolar mai Dili

Banku sisi laselu mai helik Dili

Mai subar mai helik finji isin moos

Lia anin baku subar foin deskobre.

(ii)

Mosu fali foun ida,

 krimozu tasi-balu husu protesaun

Tun hosi "liras-besi" mai koko rasik

Atu midar ka moruk mai koko rasik

Tun koko rai Lafaek tuku odamatan

Na'i loke odamatan mamar ho fuan

Matan fukun baku malu, 

lia midar funan buras haksolok tebes.

(iii)

Hela helik rai Dili nu'u esperansa

Hakarak loos, hela metin to'o mate 

Ikus mai lia loos nakfakar, fase lia fo'er

Realidade nakfilak prega aljema

Tasi-balu bele dok dada besik fali

Fila hikas bá knua ho matanbeen.

~::~

Deportasaun ba Mr. Teves Junior fila ba Filipina

Saida mak Timor Aprende husi Prezensa Arnolfo Teves Junior

Eskritor: 

Antena Transparénsia Timor-Leste hosi Facebook

-

●Filipino Teves husu protesaun ba nia vida iha Timor, iha Filipina, Família vítima nebe nia oho husu justisa. Ita promove Justisa ka ita promove direitus humanus. Ka direitus humanus ba se? 

●Karik Arnolf kontinua iha Timor, ba futuru RDTL sai abrigu ba kriminozu tamba tane-ás konvensaun jenéva no direitus humanus. 

●Arnolf fila, tamba hakarak hatudu ezemplu ba nasaun seluk katak loron ida sidadaun Timor-Leste ruma mak hetan kazu hanesan ho Arnolf nian, ema seluk bele ajuda mos. 

●Timor-Leste la hetan benefísiu singnifikativu bainhira proteje Arnolf. 

● Arnolf mai tamba hare hetan TL nia seguransa no justisa fraku. 

● Arnolf nia prezensa lori autoriedade seguransa no justisa aprende oinsa fó assisténsia ba ema sira ho osan bo'ot. 

● Líder Nasionál sira tenke kuidadu ona atu hlo amigu  maibé Arnolf nian sei la iha influénsia ba Timor-Leste iha Mundu no Rezionál. 

● Ramos-Horta sei garante relasaun bilaterál ho Filipina tamba Arnolf nia asaun ba interese grupu ka privadu la'ós ba povu tomak ou kauza ida ba povu_(remata).

---------- o0o ----------

   Imajen hirak-ne'e foti hosi pájina facebook kona-ba deportasaun Arnolfo Teves Junior nu'udar sidadaun Filipina ne'ebé mai ho nia família iha abríl 2023 ho nia aviaun jet privadu, no momentu ne'ebá asesór prinsipal Gabinete Prezidente Longinhos Monteiro mak bá hasoru iha aeroportu lori tama mai Dili, no konsege hela iha Metiaut durante tinan 2 fulan 1 nia laran, maibé tenke deporta hikas bá Filipina ohin hosi aeroporto Nicolau Lobato ho aviaun Phipilines Airlines 142 ne'ebé mai duni hosi Filipina hodi tula nia.

   Familia daku liman ho matanbeen akompaña Mr. Teves nia deportasaun, tuir informasaun katak nia komete krime boot barak iha Filipina hanesan notísia barak be publíka ona iha média sosial. Mr. Teves deporta bá ona enkuantu nia família sei hela iha Dili, talvéz hodi hein tan interrogasaun ruma.